آپ آف لائن ہیں
اتوار9؍صفر المظفّر 1442ھ 27؍ستمبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

14 اگست بزرگوں کی محنت و بے مثال قربانیوں کی یاد دلاتا ہے، عمر ایوب

وفاقی وزیر توانائی عمر ایوب کا کہنا ہے کہ یہ دن ہمیں، ہمارے بزرگوں کی محنت اور بے مثال قربانیوں کی یاد دلاتا ہے، اس دن اسلام کے سنہری اصولوں پر پاکستان کی بنیاد رکھی گئی۔

یوم آزادی کے موقع پر پیغام میں وفاقی وزیر توانائی عمر ایوب نے کہا کہ ہم وطنوں کو پاکستان کا یوم آزادی مبارک ہو، میں اپنے بزرگوں کو خراج تحسین پیش کرتا ہو ں جنہوں نے ملک کی خاطر اپنی جانیں قربان کیں۔

عمر ایوب کاکہنا تھا کہ وزیراعظم عمران خان ملک کو ریاستِ مدینہ ماڈل پر سنوارنے کیلئے پرعزم ہیں، وزیراعظم کی زیرِ قیادت پاکستان ترقی کی منزلیں طے کرے گا۔

انہوں نے کہا کہ ہم یوم آزادی پر اپنے کشمیری بہنوں و بھائیوں کو نہیں بھول سکتے، کشمیرمیں لاک ڈاؤن انسانی حقوق کی پامالی اور ریاستی دہشتگردی ہے۔

وفاقی وزیر کاکہنا تھا کہ عالمی برادری کو کشمیریوں کو آزادی حق دلوانا ہوگا۔

قومی خبریں سے مزید