ملتان (سٹاف رپورٹر ) تھانہ مخدوم رشید کے علاقے مین ٹریفک حادثہ میں 6سالہ بچی دم توڑ گئی ، زخمی ہونے والی خاتون کو تشویشناک حالت میں نشتر ہسپتال منتقل کر دیا گیا ۔تفصیل کے مطابق کھیڑا چوک کا رہائشی بلال حسین اپنی موٹرسائیکل پر سوار ہوکر بیوی نوشہ بی بی اور بیٹی مریم بی بی کے ہمراہ گھر جارہے تھے سامنے سے آنے والے تیز رفتار ٹرک کی ٹکر سے نوشہ بی بی اور مریم بی بی شدید زخمی ہوگئے۔ مریم بی بی زخموں کی تاب نہ لاتے ہوئے موقع پر ہی دم توڑ گئی جبکہ ٹرک ڈرائیور موقع سے فرار ہوگیا، واقعہ کی اطلاع پر مقامی پولیس نے جائے وقوعہ پر پہنچ کر ریسکیو1122کی مدد سے بلال حسین کو موقع پر طبی امداد دیکر فری کردیا جبکہ بلال حسین کی بیوی نوشہ بی بی کو تشویشناک حالت میں نشتر ہسپتال داخل کروانے کے بعد ٹرک ڈرائیور کے خلاف کارروائی شروع کردی ہے ۔
فرمان الہی
نماز کے اوقات
