• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سعودی عرب میں پہاڑوں کے درمیان سے دنیا کا طویل آب رسانی نیٹ ورک مکمل

تازہ ترین
بین الاقوامی خبریں
17 ستمبر ، 2020
سعودی عرب میں پہاڑوں کے درمیان سے دنیا کا طویل آب رسانی نیٹ ورک مکمل

سعودی عرب میں مکہ مکرمہ گورنریٹ نے عرفات، طائف واٹر انڈر پاس منصوبہ مکمل کر لیا، جو دنیا بھر میں آب رسانی کا طویل ترین نیٹ ورک ہے۔

عرب ویب سائٹ اردو نیوز نے ایک رپورٹ کے حوالے سے بتایا ہے کہ یہ منصوبہ جبل الکر کے زیریں حصے سے طائف میں سرکلر روڈ تک 12.5 کلو میٹر لمبا ہے اور اس کا قطر 8.4 میٹر ہے۔

اس منصوبے کو کورونا بحران کے باوجود مقررہ مدت سے قبل 24 گھنٹے کام کرکے مکمل کیا گیا ہے۔

میڈیا رپورٹ کے مطابق کھارے پانی کو میٹھا بناکر قابل استعمال بنانے والے سرکاری ادارے کے گورنر عبداللّٰہ العبد الکریم نے بتایا کہ واٹر نیٹ ورک کی تیاری کا کام بڑا چیلنج تھا۔ السروات کے پہاڑی علاقے میں واٹر انڈر پاس بنانے کے لیے دیوہیکل مشین سے استفادہ کیا گیا۔ اس کی یومیہ انتہائی رفتار 60.3 میٹر ہے۔

سعودی عرب میں پہاڑوں کے درمیان سے دنیا کا طویل آب رسانی نیٹ ورک مکمل

پہاڑی علاقے میں واٹر انڈر پاس تیار کرنے کے لیے جو دیوہیکل مشینری استعمال کی گئی وہ پوری دنیا میں اپنی نوعیت کی سریع رفتار مشینری ہے۔

رپورٹ کے مطابق یہ 9 ٹینکوں پر مشتمل ہے۔ ہر ٹینک میں پانی کی کھپت ایک لاکھ 70 ہزار مکعب میٹر ہے۔

تازہ ترین