کراچی (اسٹاف رپورٹر) رات گئے جیل چورنگی فلائی اوور کے قریب ٹریفک حادثے میں نوجوان ہلاک ہوگیا ، تفصیلات کے مطابق اتوار کی شب جیل چورنگی فلائی اوور کے قریب منچلے موٹر سائیکلوں پر ریس لگارہے تھے کہ ا سی دوران تیز رفتار گاڑی کی زد میں آکر 22سالہ نوجوان شاہ زیب جاں بحق ہوگیا ، متوفی کے ساتھی لاش لے کر جناح اسپتال پہنچے ، ریسکیو حکام کا کہنا ہے کہ انھوں نے متوفی کے اہل خانہ کو مطلع کیا ، اہل خانہ کے پہنچتے ہی بغیر کارروائی لاش اپنے ہمراہ لے گئے ۔