آپ آف لائن ہیں
ہفتہ6؍ربیع الاوّل 1442ھ 24؍اکتوبر 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

میر شکیل الرحمٰن کی رہائی کے حق میں مختلف شہروں میں احتجاج


ایڈیٹر انچیف جنگ جیو گروپ میر شکیل الرحمٰن کی غیر قانونی گرفتاری کے خلاف ملک کے مختلف شہروں میں احتجاج کا سلسلہ جاری ہے۔

لاہور میں ڈیوس روڈ پر جاری احتجاجی کیمپ میں سینئر صحافی ظہیر انجم، اویس قرنی، جنگ ورکرز یونین کے فاروق اعوان، عزیز شیخ، محمد علی، واجد حسین، ہمایوں زمان مرزا اور عائشہ اکرم نے شرکت کی۔

مقررین کا کہنا تھا کہ میر شکیل الرحمٰن کی رہائی تک احتجاج جاری رہے گا۔

راولپنڈی میں آزادی گلی میں احتجاج کیا گیا، سینئر صحافی حنیف خالد، رانا غلام قادر، چیئرمین جوائنٹ ایکشن کمیٹی ناصر چشتی، سیکرٹری جنرل پی ایف یو جے ناصر زیدی، سیکرٹری جنرل آر آئی یو جے آصف علی بھٹی، جنگ ورکر منیر شاہ، رہنماء مسلم لیگ ن امتیاز تاجی نے خطاب کرتے ہوئے کہا کہ میر شکیل الرحمٰن نے جس اصولی صحافت کی بنیاد رکھی تھی تمام میڈیا اس کی پیروی کر رہا ہے۔

کوئٹہ میں صحافیوں نے جنگ بلڈنگ کے باہر احتجاج کرتے ہوئے میر شکیل الرحمٰن کی رہائی کا مطالبہ کیا۔

پشاور میں جنگ جیو اور دی نیوز کے دفاتر کے باہر ہونے والے مظاہرے میں شریک صحافیوں کا کہنا تھا کہ میر شکیل الرحمٰن کو غیر قانونی طور پر قید میں رکھا گیا ہے۔

بہاول پور میں صحافیوں نے پریس کلب کے باہر احتجاج کیا، پریس کلب پر احتجاج نواب شاہ میں صحافیوں نے چکرا بازار میں مظاہرہ کیا۔

قومی خبریں سے مزید