مزار واقعہ، ایف آئی آر کیلئے آئی جی کو فون کیا، گورنر سندھ

23 اکتوبر ، 2020

کراچی (ٹی وی رپورٹ) گورنر سندھ عمران اسماعیل نے کہا ہے کہ مزار قائد والی صورتحال یہ ہے کہ جس وقت یہ واقعہ ہوا میں نے آئی جی کو فون کیا اور کہا کہ آئی جی صاحب یہ واقعہ ہوا ہے اس کی رپورٹ چلی ہے اس پر قانون کے مطابق کارروائی کریں اور مزار کے رولز میں نے ان کے ساتھ شیئر کئے ،میں نے کہا کہ یہ رولزہیں آپ کارروائی کریں اور اسٹیٹ کو آپ مدعی بنائیں اورپولیس خود اپنی مدعیت میں ایف آئی آر درج کرے کوئی پارٹی نہ ہو بیچ میں۔ان خیالات کا اظہار انہوں نے ایک انٹرویو میں کیا۔

گورنر سندھ عمران اسماعیل نے کہا کہ میں نے انہیں کہا کہ اگر یہ کسی غریب انسا ن نے کیا ہوتا کسی ریڑھی والے نے کسی چھاپڑی والے نے تو اب تک تو آپ نے اس کو رلادیا ہوتا، وہ سمجھ رہے تھے کہ اس پر ایف آئی آر درج نہیں ہوسکتی۔

تازہ ترین