حبیب جالبؔ کی صاحبزادی ’جالب چیئر انٹرنیشنل‘ کی سر پرست اعلیٰ مقرر

معروف انقلابی شاعر حبیب جالبؔ کی صاحب زادی طاہرہ کو ’جالبؔ چیئر انٹرنیشنل‘ کا سر پرست اعلیٰ مقرر کر دیا کیا گیا ہے۔

جالبؔ چیئر انٹرنیشنل کے جاری کردہ اعلامیے کے مطابق یہ فیصلہ مشاورتی کمیٹی کی متفقہ رائے سے کیا گیا ہے۔

اس موقع پر طاہرہ حبیب جالبؔ نےجالبؔ چیئر کی تمام ٹیم کا شکریہ ادا کرتے ہوئے کہا کہ یہ میرے والد حبیب جالبؔ کو خراج عقیدت پیش کرنے کا خوبصورت انداز ہے۔

شاعرانقلاب حبیب جالب کی 27ویں برسی

غربت کی کوکھ سے جنم لینے والے عظیم انقلابی شاعر حبیب جالب کی27ویں برسی آج منائی جارہی ہے۔

انہوں نے کہا کہ میں اسے اپنے لیے ایک اعزاز سمجھتی ہوں، ہم جالبؔ چیئر انٹرنیشنل کے ساتھ باہمی تعاون کے ذریعے حبیب جالبؔ کے ادبی ورثے کو نوجوانوں تک پہنچانے کی ہر ممکن کوشش کریں گے۔

دریں اثناء جالبؔ چیئر کے تمام ممبران نے طاہرہ حبیب جالبؔ کو مبارک باد دیتے ہوئے نیک تمناؤں کا اظہار کیا ہے۔