بھارت آسٹریلیا میچ کیلئے ٹکٹوں کی فروخت کا اعلان

کرکٹ آسٹریلیا نے بھارت سے ہوم سیریز کے لیے ٹکٹوں کی فروخت کا اعلان کردیا۔

تفصیلات کے مطابق 26 سمبر کو ہونے والے ٹیسٹ میچ میں 25 ہزار شائقین کو میلبرن کرکٹ گراؤنڈ آنے کی اجازت ہوگی۔

دوسری جانب سڈنی کرکٹ گراؤنڈ میں 23 ہزار شائقین کو داخلے کی اجازت مل گئی جبکہ برسبین گابا میں 30 ہزار اور ایڈیلیڈ اوول میں 27 ہزار شائقین آسکیں گے۔

کوہلی نے چھٹیاں کیوں لیں؟

بھارتی کرکٹ بورڈ نے کپتان ویرات کوہلی کی چھٹیوں کی درخواست قبول کرلی۔ جس کے بعد وہ بھارت میں اپنے بچے کی پیدائش پر اہلیہ انوشکا شرما کے ساتھ موجود ہوں گے۔

واضح رہے کہ بھارت اور آسٹریلیا کے درمیان چار ٹیسٹ پر مشتمل سیریز 17دسمبر سے شروع ہوگی۔