آپ آف لائن ہیں
جمعہ یکم جمادی الثانی 1442ھ15؍جنوری 2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارت خطے میں دہشت گردی کو سپورٹ کررہا ہے، منیر اکرم




اقوام متحدہ میں پاکستان کے مستقل مندوب منیر اکرم نے کہا ہے کہ بھارت خطے میں دہشت گردی کو سپورٹ کررہا ہے، بھارت پاکستان کی معیشت کو کمزور کرنا چاہتا ہے، پاکستان نے بھارتی دہشت گردی کے ثبوت پیش کیے۔

انہوں نے کہا کہ بھارتی دہشت گردی یو این چارٹر اور عالمی قوانین کی خلاف ورزی ہے، بھارت نے سی پیک منصوبے کو ناکام بنانے کے لیے خصوصی سیل قائم کیا ہے، سی پیک پروجیکٹ کاپاکستان کی ترقی میں اہم کردار ہے۔

منیر اکرم کا کہنا تھا کہ یو این سیکریٹری جنرل کو پاکستان میں بھارتی اسپانسرڈ دہشت گردی سے متعلق آگاہ کردیا، یو این سیکریٹری جنرل نے دہشت گردی کے خلاف پاکستان کی کوششوں کو سراہا۔

ان کا یہ بھی کہنا تھا کہ بھارت لائن آف کنٹرول پر اشتعال انگیزی کررہا ہے، اقوام متحدہ کے سیکریٹری جنرل کو بھارت کےخلاف ڈوزیئرپیش کردیا، بھارت روزانہ لائن آف کنٹرول پر سیزفائر معاہدے کی خلاف ورزی کررہا ہے۔

قومی خبریں سے مزید