جہاں جہاں کنٹینر لگائے جائیں گے وہیں جلسہ ہو گا، مریم اورنگزیب

ترجمان مسلم لیگ ن مریم اورنگزیب کا آج کے ملتان جلسے سے متعلق کہنا ہے کہ  جلسہ روکنے کےلیے حکومت غیر قانونی راستے اختیار کر رہی ہے، جہاں جہاں کنٹینرز لگائے جائیں گے وہیں جلسہ ہو گا۔

مریم اورنگزیب نے میڈیا سے گفتگو کے دوران حکومت پر تنقید کرتے ہوئے کہا ہے کہ سلیکٹڈ ووٹ چور ٹولہ جلسے روکنے کی کوششیں کر رہا ہے،  پی ڈی ایم کا احتجاج پر امن ہے، حکومت نے ہر جلسے کو روکنے کی کوشش کی اور ہر جلسہ ہوا،  ملتان کا جلسہ ہر صورت ہوگا، روک سکو تو روک لو۔

مریم اورنگزیب نے کہا ہے کہ  ڈی چوک پر 126 دن کے دھرنے میں ہر طرح کی کال دی گئی، ہم تحریک انصاف کو سیاسی جماعت نہیں سمجھتے، یہ ایک فاشسٹ ٹولا ہے۔

حکومت نے جلسے سے پہلے ہی جلسہ کامیاب کردیا، یوسف رضا گیلانی

یوسف رضا گیلانی نے پی ڈی ایم رہنما ؤں کے ساتھ پر یس کانفرنس کرتے ہوئے کہا کہ آٹھویں جماعت کےبچےکوبھی پولیس ساتھ لے گئی ہے۔

قلعہ قاسم باغ اسٹیڈیم پر قبضہ کی ایک اور ایف آئی آر سامنے آگئی

پولیس کا کہنا ہے کہ مولاناعبدالغفورحیدری اور عبدالرحمان کانجو پر بھی مقدمہ درج کیا گیا ہے ، جبکہ سٹی صدر مسلم لیگ ن راناشاہدالحسن،شیخ اطہر ممتاز کےخلاف بھی مقدمہ درج کیاگیا۔

انہوں نے مزید کہا کہ پی ڈی ایم کے معصوم کارکنوں پر ریاستی دہشت گردی کی جارہی ہے، ڈھائی سال سے اپوزیشن کا گلا دبایا جارہا ہے، اگر یہ ٹولہ ووٹ لے کر آیا ہوتا تو ان میں خوف نہ ہوتا۔

مریم اورنگزیب کا کہنا تھا کہ میں عمران خان کے رویے کی مذمت کرتی ہوں،  سلام پیش کرتی ہوں 10 گرفتار کیے تو 100 نکل آئے۔

عمران نیازی کی ناکام حکومت کو رخصت کر کے دم لیں گے، احسن اقبال

مسلم لیگ نون کے جنرل سیکریٹری احسن اقبال کا کہنا ہے کہ عمران نیازی کی ناکام، نا اہل اور کرپٹ حکومت کو رخصت کر کے دم لیں گے۔

کوئی ڈنڈا استعمال کریگا تو کارکنوں کو بھی ڈنڈا اٹھانے کی اجازت ہے، مولانا فضل الرحمان

مولانا فضل الرحمان نے کہا کہ ملک میں آج ہر طبقہ رو رہا ہے، ہم لاقانونیت کو تسلیم کرنےکو تیارنہیں ہیں، ہم ہرصورتحال کا مقابلہ کرنےکوتیارہیں،ہم چاہتے تھے تحریک آرام سے چلے، حکومتی حماقت کی وجہ سے تحریک اب تیز ہوگی۔

مریم اورنگزیب نے عالمی وبا کورونا وائرس سے متعلق بات کرتے ہوئے کہا ہے کہ کوروناوائرس  میں عمران خان ،اسد عمر ، فردوس عاشق اعوان نے جلسے کیے، کورونا کے پیچھے چھپنے والے عمران خان کے پاس وزیر صحت کوئی نہیں ہے۔

اُن کا کہنا تھا  کہ کارکنان تمام رکاوٹیں ہٹا کر جلسہ گاہ پہنچیں، عوام جان چکی ملتان میں ریاستی طاقت استعمال کر کے دہشتگردی کی جارہی ہے۔