آپ آف لائن ہیں
اتوار3؍جمادی الثانی 1442ھ 17؍جنوری2021ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

فیصل آباد،لڑکی اغواکےبعد قتل ، زیادتی کاشبہ ،ماں بچاتے قربان ہوگئی

فیصل آباد(نمائندہ جنگ) تھانہ ملت ٹاؤن کے علاقہ عمیر ٹاؤن میں نامعلوم نوجوان نے خاتون کو گھر میں قتل کرنے کے بعد اس کی 17 سالہ بیٹی کو بھی اغواء کر کے قتل کر دیا۔ جس کی لاش دوپہر کو کھیتوں سے ملی۔ملزم نے چھری سے ذبح کرنے کے بعد چھری سے ہی اس کا چہرہ مسخ کر دیا۔ نامعلوم ملزموں کیخلاف درج کر لیاگیا ہے۔ پولیس رپورٹ کے مطابق نامعلوم ملزم سجاد علی کے گھر میں گھس گیا جو روزگار کے سلسلہ میں کوئٹہ میں مقیم ہے۔ملزم نے اس کی 17 سالہ بیٹی سویرا کو اغواء کرنے کی کوشش کی۔ بیٹی کو بچانے کیلئے سعدیہ کوثر عرف سونیا کمرے میں آئی تو ملزم نے اسے گولی مار دی۔ جو اس کی آنکھ میں لگ کر گردن سے نکل گئی اور موقعہ پر ہی دم توڑ گئی جس کے بعدملزم سویرا کو اغواء کر کے لے گیا۔ گزشتہ دوپہر سویرا کی برہنہ لاش دھنولہ سمانہ روڈ پر کھیتوں سے ملی ، شبہ ظاہر کیا گیا ہے کہ اسے زیادتی کے بعد قتل کیا گیا ہے۔

اہم خبریں سے مزید