آپ آف لائن ہیں
ہفتہ14؍رجب المرجب 1442ھ 27؍فروری 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کورونا ویکسین پر وفاق اور صوبوں میں رابطوں کے فقدان کا انکشاف

وزیر صحت سندھ ڈاکٹر عذرا پیچوہو کا عالمی وبا کورونا وائرس سے متعلق کہنا ہے کہ صوبہ سندھ کے لوگوں کو کب تک کورونا ویکسین ملے گی؟ معلوم نہیں، بین الاقوامی ویکسین بنانے والے اداروں سے کوئی رابطہ نہیں ہوا ہے۔

ڈاکٹر عذرا پیچوہو نے اپنے ایک بیان میں کہا ہے کہ اس وقت یہ کہنا بہت مشکل ہے کہ کب تک کورونا وائرس کی ویکسین لوگوں تک پہنچے گی، وفاقی حکومت نے ویکسین کے معاملے پر صوبوں کو اعتماد میں نہیں لیا ہے۔

وزیر صحت نے  انکشاف کرتے ہوئے کہا ہے کہ ویکسین کے حوالے سے وفاق کی کیا بات ہوئی، میڈیا سے پتہ چلتا ہے، امید ہے بین الاقوامی ویکسین کا استعمال آئندہ سال موسم بہارسے شروع ہوگا۔

ڈاکٹر عذرا پیچوہو کا کہنا تھا کہ پہلے مرحلے میں 60 سے 80 سال کے بوڑھوں اور ڈاکٹرز کو ویکسین لگائی جائیں گی، بین الاقوامی ویکسین کاپوری دنیا کے لوگوں تک پہنچنے میں دو سے تین سال لگیں گے۔

واضح رہے کہ محکمہ صحت سندھ کی جانب سے جاری کیے گئے اعداد و شمار کے مطابق ضلع شرقی میں کورونا وائرس سے سب سے زیادہ 904 افراد جاں بحق ہوئے۔

کراچی میں دوسرے نمبر پر ضلع وسطی551 افراد کورونا وائرس سے انتقال کر گئے، تیسرے نمبر پر ضلع جنوبی میں اب تک 382 افراد جاں بحق ہوئے ہیں۔

قومی خبریں سے مزید