• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

دنیا کشمیر میں انسانیت کیخلاف بھارتی جرائم پرخاموشی توڑے، شبلی فراز

تازہ ترین
قومی خبریں
05 جنوری ، 2021
دنیا کشمیر میں انسانیت کیخلاف بھارتی جرائم پرخاموشی توڑے، شبلی فراز

وفاقی وزیر اطلاعات سینیٹر شبلی فراز کا کہنا ہے کہ دنیا مقبوضہ کشمیر میں انسانیت کے خلاف بھارتی جرائم پر خاموشی توڑے۔

وفاقی وزیر اطلاعات سینیٹر شبلی فراز نے اپنے ایک بیان میں کہا کہ حق خودارادیت بنیادی پیدائشی اور عالمی قانونی حق ہے، حق خودارادیت انسانی عظمت و وقار کے تقاضوں کا لازمی جز ہے۔

انہوں نے کہا کہ حق خودارادیت کی نفی آزادی، قدروں اور اُصولوں کا انکار ہے، کشمیری حریت پسندوں کو سلام عقیدت پیش کرتے ہیں۔

سینیٹر شبلی فراز نے کہا کہ کوئی جبر و ظلم اس جائز، بنیادی جمہوری حق کی جدوجہد سےکشمیریوں کونہ ہٹاسکا، مقبوضہ جموں و کشمیر کےعوام کے لیے حق خودارادیت دینے کی قرارداد پر تاحال عمل نہیں ہوا۔

انہون نے اپنے بیان میں مزید کہا کہ بھارت کا سیاہ چہرہ بے نقاب کرتے رہیں گے۔

تازہ ترین