آپ آف لائن ہیں
منگل17؍رجب المرجب 1442ھ 2؍مارچ 2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

عمر شیخ دور کی تیار کردہ قبضہ گروپوں کی فہرست سامنےآ گئی

لاہور میں سابق سی سی پی او عمر شیخ دور کی تیار کردہ قبضہ گروپوں کی فہرست سامنےآ گئی۔ فہرست میں 238 گروہوں کی تفصیلات شامل ہیں۔

ذرائع کے مطابق لسٹ میں بعض ایسے نام شامل نہیں کئے گئے جن پر درجنوں مقدمات درج ہیں۔

ذرائع کے مطابق قبضہ گروپوں کی لسٹ میں کئی ایسے نام شامل ہیں جن پر صرف ایک مقدمہ ہےجبکہ بیرون ملک مفرورملزمان کے نام شامل نہیں۔

موجودہ سی سی پی او غلام محمود ڈوگر نے وزیراعظم کی لاہور آمد سے قبل اس فہرست پر کارروائی شروع کی تھی، فہرست میں پی ٹی آئی کے سابق وزیر اور موجودہ ایم پی اے کےبھائی کا نام بھی شامل کر لیا گیا۔

سی سی پی او کا کہنا ہے تمام ملزمان کی گرفتاری کے لئے چھاپے جاری ہیں، انہیں قانون کے کٹہرے میں لائیں گے۔

قومی خبریں سے مزید