امریکا، جوہری معاہدے کی تعمیل کرتے ہوئے ایران پر سے پابندیاں ختم کرے، روس

ماسکو میں ایران اور روس کے وزرائے خارجہ کی ملاقات ہوئی ہے، خبر ایجنسی کے مطابق ماسکو اور ایران نے 2015 میں ہونے والے ایران جوہری ڈیل بچانے پر زور دیا ہے۔

اس حوالے سے روسی وزیر خارجہ نے کہا ہے کہ سب سے اہم موضوعات میں ایک ایران جوہری ڈیل کو بچانا ہے۔

ایرانی جوہری معاہدہ بچانے کی کوششوں پر ایرانی وزیرخارجہ نے روس سے اظہار تشکر کیا۔

اس موقع پر روسی وزیر خارجہ نے مزید کہا کہ امریکا کو تہران پر سے پابندیاں ختم اور ایران جوہری معاہدے کی تعمیل کرنی چاہیے۔