آپ آف لائن ہیں
پیر23؍ رجب المرجب 1442ھ 8؍مارچ2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مشکل وقت میں میری اہلیہ نے میرا بہت ساتھ دیا، پنکچ ترپاٹھی

ممبئی(مانیٹرنگ ڈیسک)بولی وڈ کے نامور اداکار پنکچ ترپاٹھی کا کہنا ہے ہے کہ مشکل وقت میں میری اہلیہ نے میرا بہت ساتھ دیا ہے۔بولی وڈ کی کامیاب ترین ویب سیریز ’مرزا پور‘ میں اکھنڈانند ترپاٹھی عرف کالین بھیا کا مشہور کردار ادا کرنے والے بھارتی اداکار پنکج ترپاٹھی نے پہلی بار اپنی بیوی سے متعلق لب کشائی کی ہے۔ایک انٹریو میں اپنی اہلیہ مِریدولا سے متعلق پوچھے گئے سوال پر فلم فقرے میں ’پنڈت‘ کے کردار سے شہرت پانے والے اداکار پنکج ترپاٹھی کا کہنا ہے کہ میری اہلیہ نے میرے مشکل وقت میں بہت ساتھ دیا ہے اور اُن دنوں وہ ہی فیملی کو سپورٹ کررہی تھیں۔بولی وڈ اداکار نے مزید کہا کہ جب ہم پہلی بار ممبئی آئے تو وہی کام کیا جو ہر اداکار یہاں آنے کے بعد شروعات میں کرتا ہے، وہ ہے جدوجہد اور کوشش، جو میں کرتا رہا لیکن اس دوران میری اہلیہ مِریدولا جو ایک اسکول ٹیچر تھیں اور یہاں بھی انہیں ٹیچنگ کی نوکری مل گئی، ہم آغاز میں اس کی تنخواہ پر ہی گھر چلاتے تھے۔

دل لگی سے مزید