آپ آف لائن ہیں
اتوار5؍رمضان المبارک 1442ھ 18؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لاہور قلندرز کا ملتان سلطانز کو جیت کے لیے 158 رنز کا ہدف


پاکستان سپر لیگ (پی ایس ایل) کے چھٹے سیزن کے ایک میچ میں لاہور قلندرز نے ملتان سلطانز کو جیت کے لیے 158 رنز کا ہدف دیا ہے۔ محمد حفیظ 61 اور جو ڈینلی 31 رنز بناکر نمایاں رہے۔

پاکستان سپر لیگ (پی ایس ایل) سیزن 6 کے آج کھیلے جارہے میچ میں ملتان سلطانز نے لاہور قلندرز کے خلاف ٹاس جیت کر پہلے فیلڈنگ کا فیصلہ کیا ۔

لاہور قلندرز کی جانب سے فخر زمان اور کپتان سہیل اختر نے اننگ کا آغاز کیا۔

سلطانز کے شاہنواز دھانی اور سہیل خان نے لائن اور لینتھ کے ساتھ عمدہ بولنگ کا آغاز کیا اور قلندرز کے بلے بازوں کو کھل کر کھیلنے کا موقع نہ دیا۔

لاہور قلندرز کو 3 اعشاریہ 2 اوور میں پہلا نقصان اس وقت اٹھانا پڑا جب کپتان سہیل اختر 12 بالز پر 7 رنز بنا کر بریتھ ویٹ کا شکار بنے۔

ابتدائی 2 وکٹ 17 رنز پر گر جانے کے بعد حفیظ اور ڈینلے نے قلندرز کی اننگ کو سہارا دیا اور محتاط انداز سے بیٹنگ کرتے ہوئے اسکور کو آگے بڑھایا۔

12 اوورز کے اختتام پر لاہور قلندز نے 2 وکٹ کے نقصان پر 95 رنز اسکور کیے ہیں۔

قلندرز کو دوسری وکٹ کا نقصان فخر زمان کی صورت میں اٹھانا پڑا وہ 11 بالز پر 9 رن بنا کر دھانی کی بال پر رضوان کے ہاتھوں کیچ ہوئے۔

قلندرز کی تیسری وکٹ 106 رنز پر گر ی، جو ڈینلی 31 رنز بناکر پویلین لوٹ گئے، مجموعی اسکور میں 16رنز کے اضافے پر محمد حفیظ 60 رنز کی اننگز کھیل کر آؤٹ ہوئے۔

قلندرز کے ڈیوڈ ویزے 13 رنز بناکر آوٹ ہوئے، اس وقت ٹیم کا مجموعی اسکور 141 رنز تھا۔

سمیت پٹیل نے26 رنز کی ناقابل شکست اننگز کھیلی۔

ملتان سلطانز کے شاہنواز دھانی اور کارلوس بریتھویٹ نے 2، 2 کھلاڑیوں کو آؤٹ کیا۔

پوائنٹس ٹیبل کی ٹاپ ٹیم لاہور قلندرز نے آج کے میچ کیلئے ٹیم میں دو تبدیلیاں کی ہیں۔ جبکہ ملتان سلطانز کی ٹیم میں فاسٹ بولر سہیل خان کو شامل کیا گیا ہے۔

واضح رہے کہ لاہور قلندرز نے2 میچ کھیلے ہیں اور دونوں میں فتح حاصل کی ہے جبکہ ملتان سلطانز نے بھی 2 میچ کھیلے ہیں اور وہ پی ایس ایل6 میں اپنی پہلی جیت کی تلاش میں ہے۔

کھیلوں کی خبریں سے مزید