آپ آف لائن ہیں
منگل29؍شعبان المعظم 1442ھ 13؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

روس کے ساتھ تجارت، توانائی، سیکیورٹی اور دفاع میں تعاون بڑھانا چاہتے ہیں، وزیر اعظم عمران خان


وزیراعظم  عمران خان نے کہا کہ روس سے تعلقات پاکستانی خارجہ پالیسی کا اہم جزو ہے، روس کےساتھ تجارت، توانائی، سیکیورٹی اوردفاع میں تعاون بڑھانا چاہتے ہیں۔

وزیراعظم عمران خان سے روسی وزیرخارجہ سرگئی لاروف نے ملاقات کی، جس میں پاک روس دوطرفہ تعلقات، علاقائی اور عالمی اہمیت کے امور پر تبادلہ خیال کیا گیا۔

عمران خان نے  شمال جنوبی گیس پائپ لائن منصوبے کے حل کے عزم کا اظہار کرتے ہوئے کہا کہ چاہتے ہیں یہ مسئلہ جلد حل ہو اور اس پر کام شروع ہو۔

وزیراعظم عمران خان نے اسپوٹنک ویکسین بنانے پر روس کو مبارکباد دی۔

 ان کا کہنا تھا کہ پاکستان افغان امن عمل میں روس کی کاوشوں کو سراہتا ہے۔

 وزیراعظم نے روسی وزیرخارجہ کو مقبوضہ کشمیر کی صورتحال سے آگاہ کیا اور کہا کہ  پاکستان جنوبی ایشیا میں امن چاہتا ہے، خطے میں امن کے لیے کشمیر تنازع کا پُرامن حل ضروری ہے۔

وزیراعظم عمران خان نے روسی صدر ولادیمیر پیوٹن کو دورہ پاکستان کی دعوت بھی دی۔

قومی خبریں سے مزید