ملک بھر کے کورونا ویکسینیشن مراکز عید کے 2 دن بند رہیں گے

ملک بھر کے کورونا ویکسینیشن مراکز عید الفطر کے دو دن بند رہیں گے۔ 

ذرائع کے مطابق عالمی وبا کورونا وائرس سے بچاؤ کے لیے ملک بھر میں قائم کیے گئے ویکسینیشن مراکز عید کے پہلے  اور دوسرے دن بند ہوں گے۔

واضح رہے کہ عیدالفطر کی تعطیلات سے متعلق جاری کیے گئے نوٹیفیکیشن کے مطابق ملک بھر میں عید کی چھٹیاں 10مئی سے 15مئی تک ہوں گی۔

رمضان کے آخری چند دن احتیاط اور عید سادگی سے منائیں: اسد عُمر

وفاقی وزیر برائے منصوبہ بندی اور این سی او سی کے سربراہ اسد عمر کا کورونا کی سنگین صورتحال کے پیشِ نظر ماہِ رمضان کے آخری چند دن احتیاط سے گُزارنے کا مشورہ دیا ہے۔

وزیر اعظم عمران خان کی جانب سے 10 سے 15مئی تک عیدالفطر کی چھٹیوں کی منظوری دی گئی ہے۔