فرمان الہی
نماز کے اوقات
پاکستان پیپلز پارٹی کے چیئرمین بلاول بھٹو زرداری نے والدہ بینظیر بھٹو کی سالگرہ پر شاعرانہ انداز اپناتے ہوئے انہیں خراج عقیدت پیش کیا ہے۔
انہوں نے والدہ کی سالگرہ پر اُن کے ہمراہ بچپن سمیت دیگر اہم مواقعوں پر لی گئیں تصاویر کو اپنے ٹوئٹر اکاؤنٹ کی زینت بنایا۔
بلاول بھٹو زرداری نے لکھا کہ،
وقت کے گزرنے سے تم جو بھول جاؤ گے
ہم تمہیں بتائیں گے، بینظیر کیسی تھی
زندگی کے ماتھے پر ایک لکیر جیسی تھی
ظلم کے نشانے پر ایک تیر جیسی تھی
بینظیر بھٹو بس بینظیر جیسی تھی
چیئرمین پیپلز پارٹی نے بینظیر کی سالگرہ کی مناسبت سے ٹوئٹر پر زیرگردش ٹرینڈ کو بھی ٹوئٹ میں استعمال کیا۔
بلاول نے اپنے ٹوئٹ میں شاعری کے ساتھ ہیش ٹیگ ’ہیپی برتھ ڈے ایم ایم بی بی‘ کا اضافہ بھی کیا۔
واضح رہے کہ گزشتہ روز پاکستان کی سابقہ وزیراعظم بینظیر بھٹو کا 68واں یومِ پیدائش منایا گیا تھا۔
