گلوبلی ویکسین کی کمی کا مسئلہ ہے، ڈاکٹر فیصل سلطان

23 جون ، 2021

وزیر اعظم عمران خان کے معاون خصوصی ڈاکٹر فیصل سلطان کاکہنا ہے کہ حکومت کورونا ویکسین کی بلاتعطل فراہمی یقینی بنارہی ہے تاہم یہ بھی ایک مسلمہ حقیقت ہے کہ گلوبلی ویکسین کی کمی کا مسئلہ ہے۔

اسلا م آباد میں معاون خصوصی ڈاکٹر فیصل سلطان کی زیر صدارت ہیلتھ اینڈ پاپولیشن تھنک ٹینک کا اجلاس ہوا جس میں وفاق اور صوبوں کے ہیلتھ ماہرین بھی شریک ہوئے۔

اجلاس میں کورونا سے بچاؤ کیلئے ویکسین کی کوریج بڑھانے کی حکمت عملی پر تبادلۂ خیال کیا گیا، فیصل سلطان نے بتایا کہ کورونا وائرس سے بچاؤ کیلئے حکومت اقدامات یقینی بنا رہی ہے۔

ڈاکٹر فیصل سلطان کاکہنا تھا کہ ملک بھر میں دو ہزار سے زائد سینٹرز پر ویکسین لگائی جا رہی ہے، روزانہ تقریباً 3 سے 4 لاکھ سے زائد افراد کو ویکسین لگائی جا رہی ہے ۔

انہوں نے کہاکہ ملک بھر 2 ہزار سینٹرز پر ویکسین کی بلاتعطل فراہمی یقینی بنانا ایک چیلنج تھا،یہ بھی ایک مسلمہ حقیقت ہے، گلوبلی ویکسین کی کمی کا مسئلہ ہے ۔

ڈاکٹر فیصل سلطان نے کہاکہ حکومت اپنی بہترین حکمت عملی سے ویکسین کی بلاتعطل فراہمی یقینی بنا رہی ہے۔

تازہ ترین