گیس کی بندش کا اعلان کراچی کی انڈسٹری کے خلاف سازش ہے، کاٹی

کراچی کی کورنگی ایسوسی ایشن آف ٹریڈ اینڈ انڈسٹری کا کہنا ہے کہ صنعتوں کے لیے اچانک گیس کی بندش کا اعلان کراچی کی انڈسٹری کے خلاف سازش ہے۔

پروگرام آج شاہ زیب خان زادہ کے ساتھ میں گفتگو کرتے ہوئے کاٹی کے صدر سلیم الزمان نے سوال اٹھایا کہ اگر گیس کی کمی پورے ملک میں ہے تو صرف کراچی کی صنعتوں کے لیے کٹوتی کیوں کی جارہی ہے؟۔

سلیم الزمان نے کہا کہ حکومت وقت پر ایل این جی درآمد نہیں کرسکی جس کی وجہ سے یہ بحران پیدا ہوا۔