سندھ کا خواب دیکھنے والے ملک بھر میں مسترد ہوں گے، نثار کھوڑو

پاکستان پیپلز پارٹی سندھ کے صدر نثار کھوڑو کا کہنا ہے کہ سندھ میں حکومت بنانے کا خواب دیکھنے والوں کو عوام آئندہ انتخابات میں سندھ تو کیا ملک بھر میں مسترد کردیں گے۔

پاکستان پیپلز پارٹی سندھ کے صدر نثار کھوڑو  نے وزیر داخلہ شیخ رشید کی پریس کانفرس پر ردّ عمل دیتے ہوئے کہا ہے کہ صوبوں کے حقوق پر ڈاکہ ڈالنے اور عوام کو مہنگائی کی چکی میں پیسنے والی پی ٹی آئی سرکار آئندہ انتخابات میں سندھ میں حکومت حکومت بنانے کے خواب دیکھ رہی ہے۔

نثار کھوڑو نے کہا ہے کہ عوام آئندہ انتخابات میں پی ٹی آئی کو ملک بھر میں شکست دیں گے، عوام آئندہ انتخابات میں دھاندھلی کا مقابلہ کریں گے اور کسی کو ووٹ پر ڈاکہ ڈالنے نہیں دیں گے، آئندہ انتخابات میں سلیکٹڈ پی ٹی آئی کا ملک بھر سے صفایہ ہوگا، آئندہ انتخابات میں عوام کی طاقت سے بلاول بھٹو زرداری کو وزیراعظم بنائیں گے۔

نثار کھوڑو نے  کہا ہے کہ عوام سے جینے کا حق چھیننے والی پی ٹی آئی سرکار کی اصلیت سب کے سامنے عیاں ہوچکی ہیں۔

اگلی بار سندھ میں بھی پی ٹی آئی کی حکومت بنائیں گے، شیخ رشید

وزیر داخلہ شیخ رشید کا کہنا ہے کہ آزاد کشمیر انتخابات میں پیپلز پارٹی نے بڑا پیسہ خرچ کرکے دو تین سیٹوں کا اضافہ کیا ، اگلی بار سندھ میں بھی پی ٹی آئی کی حکومت بنائیں گے۔

نثار کھوڑو نے کہا ہے کہ ملک پر تبدیلی کے نام پر سلیکٹڈ، جھوٹے، بدزبان اور عوام دشمن حکمران مسلط کریئے گئے ہیں،  تبدیلی کے نام پر پی ٹی آئی کو ووٹ دینے والے بھی اب شرمندہ ہو چکے ہیں۔

انہوں نے مزید کہا ہے کہ سندھ کو این ایف سی، پانی، بجلی، گیس اور دیگر حقوق سے محروم رکھنے والی یہ پی ٹی آئی کی وفاقی حکومت ہے، سندھ کے حقوق پر ڈاکہ ڈال کر سندھ کے عوام سے جینے کا حق چھیننے والی بھی یہ وفاقی سرکار ہے، عوام جان چکے ہیں کے سندھ اور سندھ کے عوام سے سوتیلی ماں جیسا سلوک رکھنے والی کوئی اور نہیں پی ٹی آئی کی وفاقی سرکار ہے۔

آزاد کشمیر انتخابات، پی ٹی آئی کی برتری، کارکنوں کا جشن

غیر سرکاری اور غیر حتمی نتائج کے مطابق تحریک انصاف نے 25 نشستیں جیت لیں ۔ پیپلز پارٹی 9 اور (ن) لیگ 6 نشستوں پر کامیاب رہی

اُن کا کہنا تھا کہ  کشمیر انتخابات میں الیکشن کمیشن نے پی ٹی آئی کی بی ٹیم کا کردار ادا کیا ہے، آزاد کشمیر الیکشن کمیشن نے پولنگ اسٹیشنوں پر پی ٹی آئی کی دھاندھلی اور گنڈہ گردی اور دیگر شکایات کا کوئی نوٹس نہیں لیا، الیکشن کمیشن نے آزاد کشمیر میں وفاقی وزراء کی موجودگی پر کوئی ایکشن نہیں لیا اور پی ٹی آئی سرکار کی آلہ کار بنی رہی۔

پی ٹی آئی نے آزادکشمیر کے انتخابات میں تشدد اور دھاندلی کا سہارا لیا، بلاول بھٹو

پاکستان پیپلزپارٹی کے چیئرمین بلاول بھٹو زرداری کا گزشتہ روز آزاد کشمیر میں ہونے والے میں الیکشن سے متعلق کہنا ہے کہ پاکستان تحریک انصاف (پی ٹی آئی) نے آزاد کشمیر کےانتخابات میں تشدد اور دھاندلی کا سہارا لیا ہے۔

نثار کھوڑو نے الیکشن کمیشن پر تنقید کرتے ہوئے  کہا کہ اب ہر جگہ الیکشن کمیشن کی خودمختاری سوالیہ نشان بن چکی ہے،  اگر آزاد کشمیر میں شفاف انتخابات ہوتے تو پیپلز پارٹی اکثریت سے کامیابی حاصل کرتی، کشمیر انتخابات میں عوام نے دھاندھلی کا مقابلہ کرکے پیپلز پارٹی کو 11نشستوں پر کامیابی دلائی جس پر عوام کو مبارکباد پیش کرتے ہیں۔

نثار کھوڑو کا مزید کہنا تھا کہ  پی ٹی آئی کی عوام دشمن پالیسیوں اور کرتوتوں کو ہر جگہ بے نقاب کریں گے۔