چینی صوبے ہینان میں بارشوں اور سیلاب سے 302 افراد ہلاک، 50 لاپتہ

چین کے صوبے ہینان میں گزشتہ ہفتے بارشوں اور سیلاب کے نتیجے میں ہونے والی اموات کی تعداد 302 ہوگئی۔ جبکہ 50 افراد ابھی تک لاپتہ ہیں۔

چینی حکام کا کہنا ہے کہ گزشتہ ہفتے صوبے ہینان میں سیلاب کے نتیجے میں 302  لوگوں کی اموات ہوئیں۔ یہ تعداد کچھ روز قبل بتائی گئی تعداد سے تین گنا زائد ہے۔

حکام کا کہنا ہے کہ زیادہ تر اموات صوبائی دارالحکومت زہینگ زہو میں ہوئیں، جہاں مختلف حادثات میں 292 افراد کی جانیں گئیں۔

20 جولائی کو شہر میں ہونے والی ریکارڈ بارش نے شدید تباہی مچائی تھی۔