وادی پنجشیر طالبان کے محاصرے میں ہے، ذبیح اللّٰہ مجاہد

ترجمان طالبان ذبیح اللّٰہ مجاہد کا کہنا ہے کہ افغانستان میں طالبان نے صوبہ بغلان کےضلع بنوں، پل حصار، دہ صلاح پر قبضہ کرلیا، جبکہ وادی پنجشیر طالبان کے محاصرے میں ہے۔

طالبان مخالفین کےگڑھ وادی پنجشیر پر پہلی بار قبضہ حاصل کرنے کیلئے تیار ہیں اور انہوں نے وہاں کا محاصرہ کیا ہوا ہے۔

احمد مسعود کی شمالی مزاحمتی فوج سے طالبان کی جھڑپیں جاری ہیں، جبکہ طالبان نے اپنے 300 جنگجو مارے جانے کی تردید بھی کی ہے۔

ترجمان طالبان ذبیح اللّٰہ مجاہد کا کہنا ہے کہ پنجشیر طالبان کے محاصرے میں ہے اور ہماری کوشش ہے اب بھی مسئلہ مذاکرات سے حل ہو جائے۔

پنجشیر کیلئےطالبان اور مزاحمتی فوج کی لڑائی

افغانستان کے صوبے پنجشیر کے لیے طالبان اور شمالی مزاحمتی فوج کے درمیان لڑائی کا آغاز ہوگیا، شمالی مزاحمتی فوج نے 300 طالبان جنگجوؤں کو مارنے کا دعویٰ کیا ہے جبکہ طالبان نے جانی نقصان کی تردید کی ہے۔

انہوں نے صوبہ بغلان کےضلع بنوں، پل حصار اور دہ صلاح پر مکمل قبضے کا دعویٰ بھی کیا ہے۔

واضح رہے کہ سابق نائب صدر امراللّٰہ صالح نے بھی پنج شیر میں پنا ہ لے رکھی ہے۔

طالبان مخالف فورس نے سالنگ ہائی وے بند کرنے کا دعویٰ کیا ہے اس کے برخلاف طالبان ترجمان کاکہنا ہے کہ سالنگ پاس کھلا ہے۔