ہاتھی کے بچوں کی فیڈر پیتے ویڈیو وائرل

ہاتھیوں کی معدوم ہوتی نسل کو بچانے کے لیے کینیا کے وائلڈ لائف ادارے کی جانب سے ہاتھی کے بچوں کو فیڈر میں دودھ پلانے کی ویڈیو شیئر کی گئی ہے۔

کینیا میں جنگلی حیات کو بچانے اور اِن کی افزائش کے لیے کام کرنے والے ایک ادارے کی جانب سے دل کو چھو لینے والی ویڈیو شیئر کی گئی ہے جس میں دیکھا جا سکتا ہے کہ کس طرح ہاتھی کے بچے شیشے کی بوتلوں ( فیڈر) سے دودھ پینے کے لیے بھاگ رہے ہیں اور مزے سے فیڈر پی رہے ہیں۔

رپورٹ کے مطابق ہاتھی کے اِن بچوں کی مائیں اور خاندان اِن سے بچھڑ گیا ہے جس کے نتیجے میں ان بچوں کی زندگی بچانے کے لیے انہیں فیڈر میں دودھ پلا کر پالا جا رہا ہے۔