• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

آسٹریا میں بے روزگاری کی شرح میں کمی واقع ہوئی ہے، وزارت محنت

ویانا(اکرم باجوہ) وزارت محنت کی ایک پریس ریلیز کے مطابق اے ایم ایس کے ساتھ بے روزگار کے طور پر رجسٹرڈ لوگوں کی تعداد اس وقت 264436 افراد ہے اور 70014 زیر تربیت ہیں۔ اس طرح بے روزگاری کے اعداد و شمار میں مسلسل کمی آرہی ہے۔ بہت سی کمپنیوں کو اب بھی مزدور ڈھونڈنے میں دشواری ہے۔ سردیوں کے موسم کے پیش نظر جو کہ شروع ہونے والا ہے۔ مزدوروں کی کمی جو پہلے ہی واضح ہے اور تشویش کا باعث ہے جیسا کہ حال ہی میں رپورٹ کیا گیا ہے۔ آسٹریا میں تقریباً ایک تہائی خالی جگہیں تین ماہ کی تلاش کے بعد بھی پر نہیں ہو سکتیں۔ حالانکہ معیشت عروج پر ہے اور زیادہ تر ملازمتیں ہاٹ کیکس کی طرح چلی جاتی ہیں، بہت سی کمپنیوں کو مناسب اہلکار تلاش کرنے میں مشکلات پیش آرہی ہیں۔ اے ایم ایس کے باس جوہانس کوف نے حال ہی میں ایک بیان میں اسکی تصدیق کرتے ہوئے کہا ہے کہ خاص طور پر ہم سالزبرگ اور وورلبرگ میں ہوٹلوں کے لیے عملے کی تلاش کر رہے ہیں۔
یورپ سے سے مزید