نئی مردم شماری ، ڈیرہ ڈویژن کی آبادی میں 45لاکھ افراد کا اضافہ

13 اکتوبر ، 2017

ڈیرہ غازیخان(ملک سراج احمد )2017کی مردم شماری کے مطابق ڈیرہ ڈویژن کی آبادی میں 45لاکھ افراد کا اضافہ ہوا ہے خواجہ سراؤں کی تعداد بھی بڑھ گئی،سہولیات نہ ہونے کے برابر ہے۔ڈویژن بھر میں آبادی میں سب سے زیادہ اضافہ ضلع مظفر گڑھ میں ہوا ہے ۔ڈویژن کے چاروں اضلاع میں خواجہ سراوں کی تعداد میں بھی اضافہ ہوا ہے ۔تفصیلات کے مطابق 2017کی مردم شماری کے اعدادوشمار سامنے آنا شروع ہوگئے ہیں ۔

اس ضمن میں ڈیرہ غازی خان ڈویژن جو کہ چار اضلاع ڈیرہ غازی خان ،مظفر گڑھ ،لیہ اور راجن پور پر مشتمل ہے کی آبادی کے ابتدائی اعدادوشمار جاری کردئیے گئے ہیں ۔اس ضمن میں 1998کی مردم شماری کے مطابق ڈیرہ غازی خان ڈویژن کی مجموعی آبادی 65لاکھ تین ہزار پانچ سو نوے تھی جو کہ 45لاکھ اضافہ کے ساتھ 1کروڑ 10لاکھ چودہ ہزار تین سواٹھانوے ہوگئی ہے ۔

تازہ ترین