| |
Home Page
جمعہ 26 ربیع الاوّل 1439ھ 15 دسمبر2017ء
مبشر علی زیدی
December 07, 2017 | 12:00 am
مذاق

Mazaaq

میں دفتر پہنچا تو طبیعت کچھ گڑبڑ تھی۔
کاشف نے تاڑ لیا۔
’’کیا پریشانی ہے؟‘‘
اس نے پوچھا۔
’’کچھ نہیں، بس ذرا دل گھبرا رہا ہے۔‘‘
میں نے مسکرانے کی کوشش کی۔
’’دل کے معاملات کو مذاق نہیں سمجھنا چاہئے۔‘‘
کاشف نے نصیحت کی۔
وہ زبردستی مجھے اسپتال لے گیا۔
’’دل کا نہیں جناب! ہاضمے کا مسئلہ ہے۔‘‘
ڈاکٹر نے چیک اپ کر کے آگاہ کیا۔
ہم ہنستے ہوئے واپس آئے۔
اگلے دن ہمارے مشترکہ دوست رضا کا انتقال ہوگیا۔
بڑے بھائی نے بتایا کہ رات کو رضا کا دل گھبرا رہا تھا۔
لیکن وہ مذاق سمجھتا رہا بے چارہ!