ا مریکی اقدام نے امت مسلمہ کے دل میں خنجر پیوست کر دیا ،مجلس وحدت

کراچی (اسٹاف رپورٹر)مجلس وحدت مسلمین صوبہ سندھ کے سیکرٹری جنرل علامہ مقصود علی ڈومکی نے کہا کہ ا مریکی اقدام نے امت مسلمہ کے دل میں خنجر پیوست کر دیا ہے،امریکا کو عالمی قوانین کی ہرگز پرواہ نہیں اور نا ہی دنیا کے امن سے کچھ مطلب اپنے ناپاک عزائم کی تکمیل کے لئے اس نے دنیا بھر میں انسانوں کا قتل عام کیا ،بیت المقدس مسلمانوں کا قبلہ اول ہے امریکی صدر ڈونلڈ ٹرمپ کی جانب سے بیت المقدس کو اسرائیل کا دارالحکومت بنائے جانے کی شدید الفاظ میں مذمت کرتے ہیں،۔اور پاکستانی حکومت سے مطالبہ کرتے ہیں کہ اس مسئلے پر فوری طورپر امریکی سفیرکو وزات خارجہ میں طلب کیا جائے ،حکومت پاکستان اس مسئلے پر اپنے موقف کو واضع طور پر پیش کرئے،مجلس وحدت مسلمین اس مسئلے پر ہرگز خاموش نہیں بیٹھے گی قبلہ اول مسلمانان عالم کا دل ہےاس کیخلاف امریکا اور اسرائیل کی سازش کو ہم کبھی کامیاب ہونے نہیں دینگے۔