پاکستان کرکٹ ٹیم کے فاسٹ بولر حارث رؤف کا کہنا ہے کہ بھارت کے خلاف تاریخی فتح حاصل کی ، یہ بہت دباؤ والا اعصاب شکن اور سنسنی خیز مقابلہ تھا ۔
حارث رؤف نے کہا کہ ٹیم نے جذبے، اسپرٹ کو بلند رکھتے ہوئے آسانی سے ٹارگٹ حاصل کیا۔
انہوں نے کہا کہ بابراعظم اور محمد رضوان نے شاندار اننگز کھیلی، شاہین آفریدی نےغیرمعمولی بولنگ کی۔
خیال رہے کہ کپتان بابر اعظم اور محمد رضوان کی ناقابل شکست نصف سنچریوں کی بدولت پاکستان نے اتوار کو بھارت کو 10 وکٹوں سے شکست دے کر ٹی ٹوئنٹی ورلڈ کپ میں اپنے حریف سے پہلی بار فتح حاصل کی۔