پاکستان پیپلز پارٹی کی رہنما شیری رحمان کا کہنا ہے کہ حکومت کا یہ دعویٰ غلط ہے کہ ہم نے رابطہ کرکے اجلاس منسوخ کرنے کا کہا ہے، حکومت نے اتحادیوں کے الگ ہونے کے ڈر سے مشترکہ اجلاس منسوخ کیا ہے۔
شیری رحمان نے اپنے بیان میں کہا کہ حکومت نے الیکٹرانک ووٹنگ مشین پر کسی سے اتفاق رائے پیدا نہیں کیا۔
پی پی رہنما نے کہا کہ حکومت کے اتحادی اور تحریک انصاف کے اپنے ارکان بھی اب ان کے ساتھ نہیں رہے۔
شیری رحمان نے کہا کہ انتخابی نظام صرف ایک فرد یا جماعت کی مرضی سے تبدیل نہیں ہوگا۔