بلدیاتی ملازمین کی ہڑتال جاری، جگہ جگہ گندگی کے ڈھیر، شہری پریشان

December 01, 2021

کراچی (اسٹاف رپورٹر)سندھ کے بلدیاتی ملازمین کی ہڑتال دوسرے روز بھی جاری رہی، جب کہ ملازمین نے دفاتر کو تالے لگاکرمختلف مقامات پر دھرنے دیئے ہوئے ہیں، جس کے باعث جگہ جگہ گندگی کےڈھیر لگ گئے ہیں اور ان سے تعفن پھیل رہا ہے۔گندگی اور تعفن سے شہری سخت پریشان ہیں۔ واضح رہے کہ بلدیاتی ملازمین نے تنخواہیں ٹریژری سے دینے اور مطالبے کی منظوری تک ہڑتال جاری رکھنے کا اعلان کیا ہے۔