کراچی کی جامع کلاتھ مارکیٹ سے متصل مارکیٹ میں غیرقانونی اشیاء کی موجودگی کی اطلاع پر کسٹمز انٹیلی جنس نے کارروائی کی۔
پولیس نے دعویٰ کیا ہے کہ دوران کارروائی بڑی تعداد میں اسمگل شدہ سامان برآمد کیا گیا ہے۔
رپورٹس کے مطابق تاجروں نے چھاپے کے خلاف احتجاج کرتے ہوئے پولیس پر پتھراؤ کیا اور توڑ پھوڑ کی۔
تاجروں کے احتجاج پر پولیس نے ہوائی فائرنگ اور لاٹھی چارج کے بعد متعدد مظاہرین کو حراست میں لے لیا۔
دوسری جانب تاجروں نے احتجاج کرتے ہوئے آج ایم اے جناح روڈ پر دھرنے کا اعلان کیا ہے۔