پارلیمنٹ میں متحدہ اپوزیشن نے حکومتی منی بجٹ اور اسٹیٹ بینک کی خود مختاری کے اقدامات کو مسترد کر دیا۔
متحدہ اپوزیشن کے مشترکہ اجلاس میں فیصلہ کیا گیا ہے کہ ایوان میں بلز کی شدید مخالفت کی جائے گی اور بلز منظوری کا راستہ روکا جائے گا۔
متحدہ اپوزیشن کا مؤقف ہے کہ بجٹ عوام کے خلاف معاشی دہشت گردی ہے جسے روکنا ہوگا، عمران نیازی نے معاشی خودمختاری کا سودا کردیا ہے منی بجٹ سے عوام پر مہنگائی کا نیا عذاب مسلط ہوجائے گا۔
متحدہ اپوزیشن کے اعلامیے میں کہا گیا ہے کہ منی بجٹ عمران نیازی حکومت کا بڑا یوٹرن اور ملکی تباہی کا نسخہ ہے، عمران نیازی نے معاشی خود مختاری کا سودا کردیا ہے۔