خیبر پختون خوا کے ضلع بٹگرام کے خواتین پولنگ اسٹیشن میں اسٹاف خاتون شیر خوار بچے سمیت ڈیوٹی پر موجود ہیں۔
خاتون پولنگ آفیسر اپنے 4 ماہ کے بچے سمیت فرائض انجام دینے پہنچی ہیں جنہوں نے بچے کے لیے اسکول ڈیسک کو جھولا بنا لیا ہے۔
ووٹنگ کے دوران پولنگ اسٹیشن میں بچے کے رونے کی آوازیں بھی گونجنے لگیں۔
بٹگرام کے گورنمنٹ پرائمری اسکول گیر ولی میں کمسن بچہ ووٹرز کی توجہ کا مرکز بن گیا ہے۔
واضح رہے کہ خیبر پختون خوا میں آج دوسرے مرحلے کے بلدیاتی انتخابات کا میدان سج گیا ہے۔
الیکشن کا مرحلہ شروع ہونے کے ساتھ ہی خیبر پختون خوا میں پاکستان تحریکِ انصاف (پی ٹی آئی) کی مقبولیت کا امتحان بھی جاری ہے۔
خیبر پختون خوا کے 18 اضلاع میں عوام آج ووٹ کے ذریعے فیصلہ کر رہے ہیں۔
صبح 8 بجے شروع ہونے والی پولنگ شام 5 بجے تک جاری رہے گی۔