پاکستان تحریک انصاف(پی ٹی آئی) کے رہنما فیاض الحسن چوہان کا کہنا ہے کہ پنجاب کے ضمنی انتخاب میں دھاندلی کی کوشش کی جارہی ہے۔
لاہور کی سیشن عدالت میں فیاض چوہان اور دیگر پی ٹی آئی رہنماؤں نے میڈیا سے گفتگو کی۔
فیاض الحسن چوہان نے کہا کہ تمام محکموں کو کھل کر استعمال کیا جارہا ہے، دھاندلی نہیں ہونے دیں گے، 17جولائی کو ہم کامیاب ہوں گے۔
پی ٹی آئی رہنما اور سابق وزیر قانون پنجاب راجہ بشارت کا کہنا ہے کہ مسلم لیگ ن والے جس پر چاہتے ہیں مقدمہ درج کردیتے ہیں۔
انہوں نے کہا کہ ہم اپنے قائد عمران خان کے ساتھ کھڑے ہیں۔
خیال رہے کہ پنجاب اسمبلی کی 20 نشستیں پی ٹی آئی ارکان کے انحراف کی وجہ سے خالی ہوئی تھیں جہاں ضمنی انتخاب 17 جولائی کو ہوں گے۔
ڈی سیٹ اراکین اسمبلی کی نشستوں پر تحریک انصاف اور پی ڈی ایم کی حمایت یافتہ جماعتوں کے درمیان مقابلہ متوقع ہے۔