بنگلہ دیش میں بجلی کا بڑا بریک ڈاؤن ہوا ہے۔ میڈیا رپورٹ کے مطابق نیشنل پاور گرڈ میں خرابی سے بنگلہ دیش کے بڑے حصے میں بجلی کی فراہمی معطل ہوئی۔
اس حوالے سے خبر ایجنسی کا کہنا ہے کہ تمام پاور پلانٹ ٹرپ ہونے سے دارالحکومت ڈھاکا سمیت دیگر بڑے شہروں کی بجلی معطل ہوگئی۔
بنگلہ دیشی حکام کے مطابق ملک کے مشرقی حصے میں بجلی کی فراہمی معطل ہوئی ہے۔
ڈھاکا سے بنگلہ دیشی حکام نے مزید بتایا کہ انجینئرز نیشنل پاور گرڈ میں خرابی ٹھیک کرنے کیلئےکام کررہے ہیں۔