ہیلی کاپٹر حادثہ، FIA تحقیقات حتمی مراحل میں داخل

October 05, 2022

فائل فوٹو

لسبیلہ ہیلی کاپٹر حادثے کے بعد سوشل میڈیا پر پاک فوج کے شہداء کے خلاف مہم کی ایف آئی اے تحقیقات حتمی مراحل میں داخل ہوگئیں۔

ایف آئی اے نے سوشل میڈیا کے 580 اکاؤنٹس کی چھان بین کی ہے جن میں سے 178 اکاؤنٹس پر پی ٹی آئی کا جھنڈا یا نشان پائے گئے ہیں۔

اس کے علاوہ 18 بھارتی اکاؤنٹس بھی شہداء کے خلاف مہم میں شامل رہے ہیں۔

ایف آئی اے کی چھان بین کے مطابق شناخت شدہ اکاؤنٹس کی تعداد 168 اور جعلی اکاؤنٹس کی تعداد 238 ہے۔

123 اکاؤنٹس کی شناخت نادرا کے سپرد کردی گئی، 33 اکاؤنٹس بیرون ملک سے چلائے جا رہے تھے۔

گوجرانوالہ سے 5، فیصل آباد سے 4 اور لاہور سے 2 افراد گرفتار کرلیے گئے ہیں۔