بلاول بھٹو سے برطانوی نائب قائد حزب اختلاف کی ملاقات

October 06, 2022

وزیرخارجہ بلاول بھٹو زرداری سے برطانوی پارلیمنٹ میں نائب قائد حزب اختلاف انجیلا رائنر نے ملاقات کی۔

ملاقات کے دوران انجیلا رائنر نے پاکستان میں سیلاب سے ہونے والے نقصانات پر افسوس کا اظہار کیا۔

اس موقع پر بلاول بھٹو زرداری نے سیلاب زدگان کے لیے امداد پر حکومتِ برطانیہ اور عوام سے اظہارِ تشکر کیا۔

برطانوی پارلیمنٹ میں نائب قائد حزب اختلاف انجیلا رائنر سے ملاقات کے موقع پر آصفہ بھٹو زرداری بھی موجود تھیں۔