پنجاب اسمبلی سیشن کے دوران بھی عدم اعتماد کا نوٹس ہوسکتا ہے، پلڈاٹ

November 29, 2022

فائل فوٹو

پلڈاٹ کے سربراہ احمد بلال محبوب نے کہا ہے کہ اسمبلی سیشن میں ہوتے ہوئے بھی وزیراعلیٰ پنجاب کے خلاف تحریک عدم اعتماد کا نوٹس ہوسکتا ہے اور گورنر اعتماد کا ووٹ لینے کا کہہ سکتے ہیں۔ مجھے آئین میں ایسی کوئی ممانعت نظر نہیں آتی۔

جیو نیوز کے پروگرام آج شاہ زیب خانزادہ کے ساتھ میں بات کرتے ہوئے ان کا کہنا تھا کہ اسمبلی تحلیل ہوجاتی ہے اور 90 دنوں میں انتخابات نہیں ہوتے تو عجیب سی صورتحال ہوگی اور یہ معاملہ عدالتوں میں جاسکتا ہے۔

احمد بلال محبوب نے مزید کہا کہ نئی مردم شماری ابھی مکمل نہیں ہوئی، عمران خان کی صدارت میں مشترکہ مفادات کونسل نے فیصلہ کیا تھا کہ آئندہ عام انتخابات نئی مردم شماری کے بعد نئی حلقہ بندیوں کے تحت ہوں گے، یہ معاملہ بھی عدالت میں جاسکتا ہے۔