کراچی میں مس کنڈکٹ پر ہٹائے گئے ڈی ایس پی کو 24 گھنٹے کے اندر عہدے پر واپس بحال کردیا گیا۔
ڈی ایس پی میمن گوٹھ جاوید عباس عہدے پر واپس آگئے، ڈی ایس پی میمن گوٹھ جاوید عباس کو گزشتہ روز عہدے سے ہٹایا گیا تھا۔
ہٹائے جانے کے 24 گھنٹے کے اندر جاوید عباس کو واپس میمن گوٹھ پوسٹ کر دیا گیا۔
ذرائع کا کہنا ہے کہ ڈی ایس پی جاوید عباس کی مس کنڈکٹ رپورٹ آئی جی سندھ کو بھیجی گئی تھی، آئی جی سندھ نے کراچی پولیس چیف کو حکم دیا کہ جاوید عباس کو ہٹایا جائے۔
ذرائع کا کہنا ہے کہ مبینہ طور پر اعلیٰ شخصیت کی ناراضی پر جاوید عباس کو ہٹانے کا نوٹیفکیشن واپس لیا گیا۔
جاوید عباس پر چنوں ماموں کے ساتھ مل کر لینڈ گریبنگ کے سنگین الزامات ہیں۔