لاہور ہائی کورٹ نے چیئرمین پی ٹی آئی، سابق وزیرِ اعظم عمران خان کی ہتکِ عزت کے دعوے میں دفاع کا حق ختم کرنے کے خلاف اپیل خارج کر دی۔
عدالت عالیہ کے جسٹس چوہدری محمد اقبال نے عمران خان کی اپیل پر سماعت کی۔
لاہور ہائی کورٹ نے ماتحت عدالت کا عمران خان کا حقِ دفاع ختم کرنے کا فیصلہ درست قرار دے دیا۔
دورانِ سماعت عمران خان کے وکیل نے مؤقف اختیار کیا کہ شہباز شریف نے عمران خان کے خلاف ہتکِ عزت کا دعویٰ کررکھا ہے۔
عمران خان کے وکیل نے مؤقف اپنایا کہ عمران خان نے شہباز شریف کے سوالات پر اعتراضات اٹھائے جو ماتحت عدالت نے مسترد کیے۔
چیئرمین پی ٹی آئی عمران خان کے وکیل نے اپنے مؤقف میں یہ بھی کہا کہ ٹرائل کورٹ نے سوالات کے جوابات نہ دینے پر عمران خان کا دفاع کا حق ختم کیا۔