پاکستان تحریکِ انصاف (پی ٹی آئی) نے کراچی میں بلدیاتی الیکشن کے لیے تیاریاں شروع کر دیں۔
ذرائع کے مطابق پی ٹی آئی کی جانب سے کراچی میں آئندہ ماہ 15 جنوری کو ہونے والے بلدیاتی انتخابات کی تیاریوں کا آغاز کیا گیا ہے۔
سندھ بھر کے تمام الیکشن سیل اور معاملات علی زیدی سنبھالیں گے جبکہ بلدیاتی انتخابات کے کراچی الیکشن سیل کے سربراہ بلال غفار ہوں گے۔
ذرائع کا کہنا ہے کہ سندھ میں جنرل الیکشن سیل کے سربراہ فردوس شمیم نقوی ہوں گے۔
ذرائع کے مطابق میئر کراچی کے لیے پی ٹی آئی کے امیدوار خرم شیر زمان ہوں گے جس کا اعلان عمران خان کریں گے۔
خرم شیر زمان کی نامزدگی کا فیصلہ عمران خان سے ملاقات میں ہوا ہے۔