پاکستان تحریک انصاف (پی ٹی آئی) کے چیئرمین عمران خان نے آج گورنر ہاؤس لاہور کے باہر جمع کارکنوں سے ویڈیو لنک کے ذریعے خطاب کیا۔
عمران خان نے خطاب میں بار بار "ایک آدمی" کو ملک کی تباہی کا ذمہ دار قرار دیا، مگر اس آدمی کا نام لینے سے گریز کرتے رہے۔
پی ٹی آئی چیئرمین نے کہا کہ ایک آدمی نے 8 ماہ پہلےحکومت ختم کر کے ملک پر ظلم کیا، ملک پر چوروں کا ٹولہ مسلط کیا، تحریک انصاف اور عمران خان کو ختم کرنے کا فیصلہ کیا۔
عمران خان کا کہنا تھا کہ دھاندلی کے باوجود ہار نظر آنے پر انہیں مار کر راستے سے ہٹانے کافیصلہ کیا۔
ان کا کہنا تھا کہ مگر آج اداروں سے پوچھتا ہوں کہ کیا انہیں اس ملک کی فکر ہے یا نہیں؟ ملک جس معاشی دلدل میں پھنس چکا ہے اس سے نکلنے کا واحد راستہ الیکشن ہے۔