صدرِ مملکت سے تاجکستان میں پاکستان کے نامزد سفیر کی ملاقات

March 28, 2023

اسکرین گریب

صدرِ مملکت عارف علوی سے تاجکستان میں پاکستان کے نامزد سفیر محمد سعید سرور نے ملاقات کی۔

ملاقات میں صدرِ مملکت نے تاجکستان کے ساتھ تجارتی اور اقتصادی تعلقات کو وسعت دینے پر زور دیا۔

عارف علوی نے کہا کہ دونوں برادر ممالک کی ترقی کے لیے تجارت، سرمایہ کاری بڑھانے کے لیے اقدامات کیے جائیں۔

انہوں نے کہا کہ نامزد سفیر تاجکستان میں پاکستان کے امیج کو بہتر بنانے اور برادر ملک کے ساتھ دو طرفہ تعلقات مزید مستحکم کرنے کے لیے کام کریں۔

ملاقات میں صدرِ مملکت نے بھارت کی اقلیت دشمن اور مسلمان دشمن پالیسیاں اجاگر کرنے کی ضرورت پر بھی زور دیا۔

صدرِ مملکت نے کہا کہ بھارتی سیکیورٹی فورسز کے مقبوضہ کشمیر میں مظالم کو بھی اجاگر کیا جائے۔