سابق وزیر خزانہ مفتاح اسماعیل نے کہا ہے کہ آئی ایم ایف کے بغیر پاکستان ایک سہ ماہی تو نکال لے گا۔ لیکن اکتوبر تا دسمبر دوسری سہ ماہی پاکستان کا آئی ایم ایف کے بغیر گزارنا تقریباً ناممکن ہے۔
مفتاح اسماعیل نے ان خیالات کا اظہار ’آج شاہ زیب خانزادہ کے ساتھ‘ میں گفتگو کرتے ہوئے کیا۔
مفتاح اسماعیل کا کہنا تھا کہ امکانات بہت زیادہ ہیں کہ ہم ڈیفالٹ کر جائیں گے۔ جون میں آئی ایم ایف پروگرام کے چار سال مکمل ہوجائیں گے۔
انہوں نے کہا کہ پاکستان کو فوری طور پر نئے آئی ایم ایف پروگرام میں جانا ہوگا۔ پاکستان نواں ریویو بہتر انداز میں مکمل کرلیتا ہے تو نئے پروگرام میں آسانی ہوگی۔