فرمان الہی
نماز کے اوقات
مقبوضہ کشمیر کی سابق وزیراعلیٰ محبوبہ مفتی نے کہا کہ مودی کی جماعت دوبارہ اقتدار میں آئی تو جمہوری نظام لپیٹ دے گی۔
سری نگر میں میڈیا سے گفتگو کرتے ہوئے محبوبہ مفتی نے کہا کہ بی جے پی اقتدار میں واپس آکر جموں و کشمیر اور بھارت میں انتخابی نظام ختم کر دے گی۔
انہوں نے کہا کہ بی جے پی نے سپریم کورٹ میں دعویٰ کیا کہ کشمیر میں سیکیورٹی صورتحال بہتر ہے۔ انتخابات کے انعقاد پر بی جے پی کہہ رہی ہے کہ کشمیر میں سیکیورٹی صورتحال ٹھیک نہیں۔
محبوبہ مفتی نے کہا کہ جموں و کشمیر میں بی جے پی کے تمام تجربات ناکام ہوچکے ہیں۔ بی جے پی آئین پر یقین نہیں رکھتی اور جمہوری نظام کو ہی ختم کرنا چاہتی ہے۔
مقبوضہ کشمیر کی سابق وزیراعلیٰ کا مزید کہنا تھا کہ بی جے پی جمہوری نظام کے خاتمے کا آغاز جموں و کشمیر سے کرے گی۔
