خیبر پختون خوا حکومت نے اخراجات کو کنٹرول میں کرنے کے لیے اقدامات کیے ہیں۔
صوبے میں ایک ماہ کے لیے نئی اسامیوں کی تخلیق پر پابندی عائد کر دی گئی ہے اور محکمۂ خزانہ نے کفایت شعاری پلان سے متعلق اعلامیہ بھی جاری کر دیا ہے۔
اعلامیے کے مطابق، ایمبولینسز کے علاوہ کسی بھی گاڑی کی خریداری پر پابندی عائد ہے، سرکاری خرچ پر بیرون ملک علاج معالجے پر بھی پابندی ہوگی اور غیر مستقل ملازمین کو کسی صورت مستقل نہیں کیا جائے گا۔