کراچی کے فائیو اسٹار ہوٹل میں وہ ایونٹ جاری تھا۔
میں کسی اور تقریب کے دھوکے میں گھس گیا۔
اسٹیج پر ایک شخص اعلان کر رہا تھا،
’’عبد اللہ ضلع ناظم آباد کا انتظام سنبھالے گا،
محمد رشید گلشن ڈسٹرکٹ کا،
سلامت اللہ ڈسٹرکٹ سائوتھ کا،
عبد الغفور اورنگی کا،
حاجی ستار ملیر کا،
امیر احمد کیماڑی کا،اور عبد الودود کورنگی کا۔‘‘
میں نے قریب بیٹھے شخص سے معذرت کی،
’’میں غلطی سے شاید شہری انتظامیہ کی میٹنگ میں آ گیا ہوں۔‘‘
اس شخص نے کندھا تھپتھپا کر کہا،
’’کوئی بات نہیں۔
ویسے یہ بھکاری نیٹ ورک کی تقریب ہے۔‘‘